::: Mizo History :::


ZOLUTI (MARY WINCHESTER) CHANCHIN  –Ama Ziak

             Zolutin heti hian a sawi,’Ka pa,Mr.James Winchester chu Hringchar rama thingpui huan Sap a ni a,kum 12 lai a awm a.Tin,Sap rama ka nu leh pa in lehkha zir turin mi awm tir an tum a.A hawn hmain thingpui Sap dang a thiante kan tlawh a;tin,chumi hriatrengna turin ni kan ruat a,kum 1871 January ni 27-ah chuan Alexadrapore-ah kana wm a,chumi huan neitu chu Mr.George Seller a ni a.Sikul an kal lain ka pa thian kawmngeih a ni bawk.Nau awmtu (Ayah) nen huana kan len lain thawklehkhata’n huana hnathawktute an lo buai ta a,lehlam lehlamah an tlan a,Sap Seller chu Sakawr chunga chuangin a lim vak vak a,ka hmu reng a.Tin,bangle lam ka pan lai takin ke a ka kal lain ka pain mi tawk a,kum 6 mi ka ni a,hla lo taka sakawr thlunna lamah mi kalpui a;nimahsela a lo tlai lutuk ta.Miz pa in mi nang ta a.Hnung lam atangin ka pa chu an kap a,a tlu ta a,mi pawm lai takin min la ta a ni.A la thi si lova;mi be thei chang chang a,tawng peih mang lo chungin thu min hrilh a,’Chemte,I khawsak dan tur chu Pathian chauh in a hria,’a ti a,chu chu a tawng hnuhnung ber a ni.Thi turin Mizo ralin an kalsan ta a.Mi awmtute nen,hnathawktu tam tak nen min kapui ta a.Nimahsela nau awmtu chu a tlanbo thei ta a.Thingpui Sap dangte hnenah a tlan a,chu thu rapthlak tak chu a hrilh a.Tin,chung saphote chuan sawrkar hnenah humhim an dil thin a,nakin deuhah chuan min hruai chhuak leh ta a ni.

 

            Zorama kan haw chhoh lai chanchin engmah ka hre felt a mang lova,zantin hian meipui,ramsa kawlte laka min humhim turin an chhem a.Khaw tam tak kan tlawh a,chutah chuan vawkte,arte,arpui te tam tak kan hmu a.Tin,lal pakhat inchhunga pitar mi khawngaih thei tak,mi duat em em mai a awm a.Tlangval pakhat a awm bawk a,chumi chu ka hlau va,mi tihhlum a tum thin a;nimahsela piatr chuan midangin min pawm pawh a phal lo.

 

            Ka thiante hnenah chu pitar mi khawngaihzia chu ka sawi apiangin,mak an tie m em a,an ring thei lo va.Nimahsela,a dik tih ka hria,chu pitar chu Aizawla in thuhriltu pakhat Vanchhunga pi a ni a.Ka tan puan a tah thin a,pawnfente,puan mawi te min tahsak thin a,chung puante chu ka ro a ni a,ka ngaihlu em em a,Pathian khawngaihnaa min tahsak avangin ka lawm em em a ni.

 

            Tin,Mizoram a lo buai em em a.Vai an lo lian ta a.Mizovin,’Nangmah vang a ni,’ mi ti a,min ti hlum dawn ta a;nimahsela chu pitar mi khawngaih thei tak chuan mi hum thin a ni.Khua an hal ka hmu thin a,a khuin par a chhuang luih thin a ni.Ka awmna khua pawh chu an mangang em em a.

 

            Tin,vaiin mi la a;hrehawm tit akin ka thiante ka kalsan a.(January ni 2 1872),Mizovin min man atangin ni ruk chauhvin kum khat ka tlig lo)rei tak thlengin Mizoram ka kalsan hnuah hrehawm ka ti a.Elgin khua sap rama thlaruk ka thang hnuah ka lo thlamuang ta deuhva,ka pi leh ka pute’n min duat a;an thu ka awih ta a.

 

 

= = = = = = = = = = = = = =* * * * * * * * *= = = = = = = = = = =  = = = == =

 

SIKUL AWM HMASA BER CHANCHIN

 

            Mission in Primary Sikul an dah hmasakna ber chu Khandaih khua a ni a.Khandaih khaw lal chu vanphunga a ni.Lal hi hming inang an tam avangin sawifiah a ngai chutih lai chuan Vanphunga pahnih an awm a,pakhat Pawibawia fapa a ni a,pakhat chu Lungliana fapa a ni a,Lungliana fapa Vanphunga farnu hi Pawibawia fapa Vanphunga chuan nupuiah a nei a.Pawibawia fapa zawk chu hmar lam zawka awm a ni.’Hmar Vanphunga’ an ti htin.Pakhat hi ‘Chhim Vanphunga’ an ti thin.Aizawl biala lal khuaah sikul nei hmasa ber chu,Hmar Vanphunga ani a.Khandaih khua chu in 400 a ni a,buh leh bal an neih theih avangin a khua leh tui ten nuam an tie m em thin.Kum 1903 August ni 1 ah sikul a awm tan a.Chung lai chuan cheng khatin buh phur riat (kawt riat) a man a,buh a tam em avangin zu an siam nasa em em a,mihring pawh an tan a,an taima hle bawk.

 

            Sikul thu : Sikul chu daipawnah te tak tein an sa a.An han neih hlim chuan thil awm ngai lo leh la hriat ngai loh a nih avangin an han lawm hle hlawm a,mi pawhin an zir tha hle a.Fur chhung chu hemi sikulah hian an zir a.

 

            Sikul in chu a chhe leh ta thuai a,Zawlbukah an zir leh a.An lal chuan a khuaa sikul awm chu rem a tit a mang lova.A phal leh loh dawn chuan Sap lam a hlau si s.’Khawlaiah sakna hmun a awm lo,’a ti a.Sikul neih loh chu a duh ber a,nimahsela,a hnial tak tak ngam si lo.Tichuan,daipawnah sa turin a I leh a.A hmun an lai ta  a,an lai zo vek a.Chutih lai chuan sorkarin Rahsi C.I a hand ah a,a in chu khawlaiah a sat a a.CHuvang chuan lal chuan khawlaiah sak a rem ti leh ta a ni.September ni 13,1904-ah  khawlaiah sikul chu an sa tan ta a.Inrinni,September 19,1904 Thawhtanni chuan an lut tan ta a.Naupang pawh an thahnem hle a,hming ziak 116 lai an ni,tlangval thenkhatte pawh an tel ve a.

 

            Chung lai chuan Biak In an la nei lova,sikul chu inkhawm nan an hmang thin.Dan naranin nitin vawihnih,tlaiah leh zanah an inkhawm thin.Chunglai chuan khawnvar pawh an nei lova,mei an tuah eng mai thin a ni.Sikul chhuat laiah mei an chhem a,inkhawm an thain thu pawh an ngaithla tha em em thin.Sikul khatin an inkhawm thin a,Pathian thu an ngaihsak em em thin.

 

            Sikul awm hma chuan dawithiamte,huaisen chanchinte,chak te,taima te,hlo thlawh chak te,buan chak te,ramhuai chanchin te,khawhring te,ram kalna a tlangval taimai te,nula taima te,zu thlum thate hi mipui tit tam ber leh an sawi nin theih loh a ni a.Sikul a awm chun chu Pathian thuin titi dang a lan zo hle.Hla pawh Pathian hla a tam ber a.Naupang leh tlangval zingah Pathian thuawi an lo awm tak nual avangin,lal leh upate chuan an ngaihmawh ta hle mai a,Pathian thuawih ho lah chuan ‘Pathian thu-in in tin ti khat ila,’ tih hi an tum dan a ni si.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Follow

Get every new post delivered to your Inbox.

%d bloggers like this: