::: About Champhai :::


CHAMPHAI CHANCHIN

Champhai hi Zofate zingah chuan hrelo kan awm awm love.Mizoram khawchhak kil ah a awm a,Mizoram khawpui pathumna ti ila a sual awm love.Hmanlai atang tawhin Champhai hi a hmingthang tawh thin a,chanchin leh titi tamtak a nei thin a.Tin,Mizoram zawl zau ber anih avangin a hming a thang hle bawk a ni.Mizoram khawngpui in a tan tlang a,khawchhak tuipui hnar neihna a ni bawk.CHAMPHAI han tih hian tunlai mi chuan khaw hmingah kan ngai ta ber a.Hmanlai chuan a zawl lai ah hian khua a awm a,mahse tunah chuan a zawl lai hi khua a nit a lova,a vel a khaw awm te hi hming hran nei theuh an ni.Hmar ho lo chenna,Hmar hnam chi hrang hrang hming a koh hlen an ni.Mahse,chung khaw hran te pawh chu CHAMPHAI tih a ni a,Champhai tak chu a zawl lai hi a ni.Chuvangin a zawl lai hi chu Champhai zawl tih a ngai ta kher a ni.Champhai zawl leh a chhe vel tlem I han thlir teh ang.A kum han bi thliah hi dawt sawi tam na mai a ni a,sawi lo mai ila,a len lam hi hrechiang chiah lo mah ila a dunglam mel 6 vel,a vanglam mel 4 vel niin sawi a ni.Leilet (Lo) hran hran sangkhat aia tam siam a ni.Tunlai hiam tlemazawng chu sanghaw khawina dil atan siam ani ta nual a.He zawlah hian hmanlai thil hmingthang tak tak – Lungverhte,Mangkhaia lung te,Chhura farep te,Hmar ho Sikpui lamna te,Vanhnuailiana hriatrengna lungphun,kum 1960 a phun a awm bawk.He phai hian hmanlai chanchin ngaihnawmtak a ngah mai.Mizo titi ah chuan Chhura vuakzawl an ti thin.Chhura talhtum hi Vanlaiphai-ah a awm an ti thin.

Champhairick

Kan lungkham Kan Khua Mawi tak!eh~Tunlai kan mithiam ten Champhai zawl hi an chhut neuh neuh va,nguntaka an en hnu in Chhura vuakzawl mai zawng niin an ring lo.A leilung pianhmang leh a leitha dumte hi an en in Tlangkangin a siam niin an ring a,zawl chhung a tlang te tak te te te hi tlangkangin a chirh a rawn phuhchhuah atanga siam niin an ring.Chu chu a khang ta niin an ring.Champhai hi a lo chhuahna pui zawk a ni a.Rihdil khi a hlet niin an ring bawk.Chhura talhtum chu tlangkangin a kangbo ta a nih awm chu!Tin,hmanlai titi ah bawk,Rihdil lal Rulfepnei nupa hian Rihdil hi Champhaiah sawn an tum a.Tichuan a lo tling tam hle tawh a,lal nupa chuan inchhaih an han tan ta a,muallungthu ah hian an insu chhen mai a.Chuvangin an luah rei thei ta lo va,Rih ah bawk khian an insawn chho leh a,an awm hlen ta a ni an ti.             Hmanlai chuan Champhai hi Phairuang leh Pumphirin a khat vek a.Ramsa kawlhpui pui leh sava chi hrang hrang tualchaina hmun a ni thin a.Sakhi phei chu a tam hle a ni ang,Vanapa hunlai phei chuan Sakhi in mi a liak de de loh chuan kah loh tur tiin ramchhuak ho a hrilh thin.Vanapa hming chu Thangzachhinga a ni a,Vanhnuailiana hunlai a tlangval tlawmngai leh pasaltha ber pawl a ni.Tin,Vanhnuailiana hunlai bawk hian Zampuimanga hi a lo chhuak bawk a.Sakei huai laka a psalthatna in Mizoram a dengchhuak bawk a.Tin,hmanlai chuan Kanghlai te,Barfatek te,Varum te,Mangkhaia ralven leh sava chi hrang hrang mak pui pui te zawlah hian a tam mai a,tunah hi chuan Kanghlai hi a awm ta lo a ni awm e.Barfatek hi titi ah chuan hmanlai Champhai ah hian Hmar nufa (nuhran) hi a awm a,a fa chuan a nu hi a hlau em em a,chaw an han ei pawh hian fiante hian a hai tek tek thin a,chutihlai chuan thim  alo zing a,a fapa chu sava ah alo chang ta a.Chu sava chu a hmingah ‘Barfatek’ an vuah ta ani an ti thin.Tunlai hian hmuh tur ting chuan ala awm e (keipawn ka perhthla tawh! Eh~).Varum pa hi ala awm awm e.He sava hi hmanlai chuan Ramhuai niin an ring a,an hlau hle thin a ni.Champhai min timawitu tha hlei par hluan…Chawkhhlei ngei mai chu[h].

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s